Оглавление

1. Молитва Господу Иисусу Христу
2. Литургия
3. Молитва "Пошли нам, Господи, терпенье..."
4. Молитва перед чтением св.Евангелия
5. Молитва к Пресвятой Богородице за духовного отца
6. Заграждение
7. Молитва Ангелу Хранителю на сон грядущим
8. Кресте Честный...
9. Молитва Михаилу Архистратигу, грозному воеводе
10. Молитва о даровании разумения (Свт. Иоанна Златоуста)
11. Молитва Архангелу Михаилу
12. Надгробное рыдание Старцу Паисию от всех чад его духовных Иеросхимонаха Иоанна Диаковского
13. Побеждай благим злое

 

Молитва Господу Иисусу Христу

Многомилостиве и Всемилостиве Боже мой, Господи Иисусе Христе, многия ради любве сшел и воплотился еси, яко да спасеши всех. И паки, Спасе, спаси мя по благодати, молю Тя; аще бо от дел спасеши мя, несть се благодать, и дар, но долг паче. Ей, многий в щедротах и неизреченный в милости! Веруяй бо в Мя, рекл еси, о Христе мой, жив будет и не узрит смерти во веки. Аще убо вера, яже в Тя, спасает отчаянныя, се верую, спаси мя, яко Бог мой еси Ты и Создатель. Вера же вместо дел да вменится мне, Боже мой, не обрящеши бо дел отнюд оправдающих мя. Но та вера моя да довлеет вместо всех, та да отвещает, та да оправдит мя, та да покажет мя причастника славы Твоея вечныя. Да не убо похитит мя сатана, и похвалится, Слове, еже отторгнути мя от Твоей руки и ограды; но или хощу, спаси мя, или не хощу, Христе Спасе мой, предвари скоро, скоро погибох: Ты бо еси Бог мой от чрева матере моея. Сподоби мя, Господи, ныне возлюбити Тя, якоже возлюбих иногда той самый грех; и паки поработати Тебе без лености тощно, якоже поработах прежде сатане льстивому. Наипаче же поработаю Тебе, Господу и Богу моему Иисусу Христу, во вся дни живота моего, ныне и присно и во веки веков. Аминь.

Молитва 2-я, святого Антиоха, ко Господу нашему Иисусу Христу

Вседержителю, Слово Отчее, Сам совершен сый, Иисусе Христе, многаго ради милосердия Твоего никогдаже отлучайся мене, раба Твоего, но всегда во мне почивай. Иисусе, добрый Пастырю Твоих овец, не предаждь мене крамоле змиине, и желанию сатанину не остави мене, яко семя тли во мне есть. Ты убо, Господи Боже покланяемый, Царю Святый, Иисусе Христе, спяща мя сохрани немерцающим светом, Духом Твоим Святым, Имже освятил еси Твоя ученики. Даждь, Господи, и мне, недостойному рабу Твоему, спасение Твое на ложи моем: просвети ум мой светом разума святаго Евангелия Твоего, душу любовию Креста Твоего, сердце чистотою словесе Твоего, тело мое Твоею страстию безстрастною, мысль мою Твоим смирением сохрани, и воздвигни мя во время подобно на Твое славословие. Яко препрославлен еси со Безначальным Твоим Отцем и с Пресвятым Духом во веки. Аминь.

Молитва 8-я, ко Господу нашему Иисусу Христу

Господи Иисусе Христе, Сыне Божий, ради честнейшия Матере Твоея, и безплотных Твоих Ангел, Пророка же и Предтечи и Крестителя Твоего, богоглаголивых же апостол, светлых и добропобедных мученик, преподобных и богоносных отец, и всех святых молитвами, избави мя настоящаго обстояния бесовскаго. Ей, Господи мой и Творче, не хотяй смерти грешнаго, но якоже обратитися и живу быти ему, даждь и мне обращение окаянному и недостойному; изми мя от уст пагубнаго змия, зияющаго пожрети мя и свести во ад жива. Ей, Господи мой, утешение мое, Иже мене ради окаяннаго в тленную плоть оболкийся, исторгни мя от окаянства, и утешение подаждь души моей окаянней. Всади в сердце мое творити Твоя повеления, и оставити лукавая деяния, и получити блаженства Твоя: на Тя бо, Господи, уповах, спаси мя.

К оглавлению

Молитва "Пошли нам, Господи, терпенье..."

Пошли нам, Господи, терпенье,
В годину буйных, мрачных дней,
Сносить народное гоненье
И пытки наших палачей.

Дай крепость нам, о Боже правый,
Злодейства ближнего прощать
И крест тяжёлый и кровавый
С Твоею кротостью встречать.

И в дни мятежного волненья,
Когда ограбят нас враги,
Терпеть позор и униженья
Христос, Спаситель, помоги!

Владыка мира, Бог вселенной!
Благослови молитвой нас
И дай покой душе смиренной,
В невыносимый, смертный час...

И, у преддверия могилы,
Вдохни в уста Твоих рабов
Нечеловеческие силы
Молиться кротко за врагов!

К оглавлению

Молитва перед чтением св. Евангелия

«Господи Иисусе Христе, отверзи ми уши сердечныя услышати слово Твое, и разумети и творити волю Твою, яко пришлец есмь на земли: не скрый от мене заповедей Твоих, но открый очи мои, да разумею чудеса от закона Твоего; скажи мне безвестнея и тайная премудрости Твоея. На Тя уповаю, Боже мой, да ми просветиши ум и смысл светом разума Твоего не токмо чести написанная, но и творити я, да не в грех себе святых жития и словесе прочитаю, но в обновление, и просвещение, и в святыню, и в спасение души, и в наследие жизни вечныя. Яко Ты еси просвещаяй лежащих во тьме и от Тебе есть всякое даяние благо и всяк дар совершен. Аминь».

К оглавлению

Молитва к Пресвятой Богородице за духовного отца

О, Пресвятая Владычице моя, Дево Богородице, Царица Небесе и земли, вонми вопиющей души моей и грешную мольбу мою, Пречистая Матерь Божия за отца моего духовного, скорбящего раба Твоего [имя рек]. Буди ему всегда спутницей и на всякое время сопровождай и ограждай его святыми Ангелами. Укрепляй его бодрствующаго, оберегай его спящего, утешай его плачущаго, ободряй его унывающаго, избавляй от скорбей, освобождай от клеветы, воздвизай немощного, побеждай воюющих против него бесов, и в смертной опасности помогай ему. Ежедневно являй его страшным для видимых и невидимых врагов, чтобы они знали, что он раб Твой, Богоматерь, родившая Бога и Царя, которому подобает честь и поклонение во веки веков. Матерь Божия, умягчи сердца злых человек, возстающих на него. Ты видишь труды и скорби отца моего, его скорби Тебе единой известны. Ты ведаешь все тайны души его, воззри милостиво на него с небеси, облегчи его страдания, покрый его покровом Своим, посети его Своею небесною милостию, посли благословение на дела его и дай ему невидимую помощь. И святыми его молитвами дай мне смирение, самоукорение, терпение, кротость, целомудрие, молчание и покрый меня от всех напастей и врагов видимых и невидимых.

К оглавлению

Заграждение

Господи Иисусе Христе, Сыне Божий, не попусти, чтобы суетность, самолюбие, чувственность, нерадение, гнев господствовали надо мною и похищали меня у любви Твоей. О, мой Господи, Создатель мой, все упование мое! Не остави меня без удела в блаженной вечности; соделай, да и я последую святому примеру Твоему, буду покорен властям, надо мною поставленным; даруй мне сию чистоту духа, сию простоту сердца, которыя делают нас достойными любви Твоей. К Тебе, о, Боже мой, возношу душу мою и сердце мое: не попусти погибнуть созданию Твоему, но избавь меня от единственнаго и величайшаго зла: греха. Соделай, Господи, да переношу с таким же терпением беспокойства и скорби душевныя, с какою радостию приемлю удовольствия сердечныя. Если Ты хочешь, Господи,— можешь очистить и освятить меня. Се, предаю себя Твоей благости, прося истребить из меня все противное Тебе и присоединить к сонму избранных Твоих. Господи! Отыми от меня праздность духа, погубляющую время; суетность мыслей, мешающую Твоему присутствию и развлекающую внимание мое в молитве; если же, молясь, я уклоняюсь от Тебя моими помыслами, то помоги мне, дабы сие развлечение было не произвольно, и, отвращая ум, да не отвращу от Тебя сердце. Исповедаю Тебе, Господу Богу моему, все грехи моего беззакония, ныне и прежде соделанные пред Тобою: отпусти мне их, ради имени Твоего святого, и спаси душу мою, которую Ты искупил драгоценною Кровию Твоею. Вручаю себя милосердию Твоему, предаюсь в волю Твою, твори со мною по благости Твоей, а не по злобе и беззаконию моему. Научи меня, Господи, располагать дела свои так, чтобы они споспешествовали к прославлению имени Твоего святого. Умилосердись, Господи, о всех христианах; услыши желание всех вопиющих к Тебе, избави от всякаго зла, спаси рабов Твоих (имена), пошли им отраду, утешение в скорбях и милость Твою святую. Господи, молю Тебя особенно о тех, которые меня чем-либо обидели и опечалили или какое-либо зло сделали: не наказывай их меня ради грешнаго, но пролей на них благость Твою. Господи, молю Тебя о всех тех, которых я, грешный, опечалил, обидел или соблазнил, словом, делом, помышлением, ведением или неведением. Господи Боже! Отпусти нам грехи наши и взаимныя оскорбления; изжени, Господи, из сердец наших всякое негодование, подозрение, гнев, памятозлобие, ссоры и все то, что может препятствовать любви и уменьшать братолюбие. Помилуй, Господи, тех, которые поручили мне, грешному, недостойному, молиться о них! Помилуй, Господи, всякаго просящаго Твоей помощи. Господи! Сотвори сей день днем милосердия Твоего, подай каждому по прошению его: буди пастырем заблудших, вождем и светом неведущих, наставником немудрых, отцом сирых, помощником угнетенных, врачем больных, утешителем умирающих, и приведи нас всех к желанному концу — к Тебе, пристанищу нашему и блаженному упокоению. Аминь.

К оглавлению

Молитва Ангелу Хранителю на сон грядущим

Ангеле Христов, хранителю мой святый и покровителю души и тела моего, вся ми прости, елика согреших во днешний день, и от всякаго лукавствия противнаго ми врага избави мя, да ни в коемже гресе прогневаю Бога моего; но моли за мя, грешнаго и недостойнаго раба, яко да достойна мя покажеши благости и милости Всесвятыя Троицы и Матере Господа моего Иисуса Христа и всех святых. Аминь.

К оглавлению

Кресте Честный...

Кресте честный, хранитель души и телу буди ми: образом своим бесы низлагая, враги отгоняя, страсти упраздняя и благоговение даруя ми, и жизнь, и силу, содействием Святаго Духа и честными Пречистыя Богородицы мольбами. Аминь.

К оглавлению

Молитва Михаилу Архистратигу, грозному воеводе

Господи, Боже Великий, Царю безначальный, пошли Архангела Твоего Михаила на помощь рабам Твоим (имярек). Защити, Архангеле, нас от всяких врагов, видимых и невидимых. О, Господень Великий Архангеле Михаиле! Демонов сокрушитель, запрети всем врагам, борющимся со мною, и сотвори их яко овцы, и смири их злобные сердца, и сокруши их, яко прах перед лицем ветра. О, Господень Великий Архангеле Михаиле! Шестикрылый первый Князь и Воевода Небесных Сил – Херувимов и Серафимов, буди нам помощник во всех бедах, скорбях, в печалях, в пустыни и на морях тихое пристанище. О, Господень Великий Архангеле Михаиле! Избави нас от всякия прелести диавольския, егда услышишь нас, грешных, молящихся Тебе, и призывающих имя Твое Святое. Ускори нам на помощь и побори всех, противящихся нам, силою Честнаго и Животворящего Креста Господня, молитвами Пресвятой Богородицы, молитвами святых Апостолов, Святителя Чудотворца Николая, Андрея, Христа ради, юродивого, св. пророка Илии и всех святых великомучеников: св. мучеников Никиты и Евстафия, и всех преподобных отцов наших, от века Богу угодивших и всех святых Небесных Сил. О, Господень Великий Архангеле Михаиле! Помоги нам грешным (имярек) и избавь нас от труса, потопа, огня, меча и напрасной смерти, от великого зла, от врага льстиваго, от бури поносимой, от лукавого избавь нас всегда, ныне и присно, и во веки веков. Аминь. Святой Архистратиг Божий Михаил, молниеносным мечом Твоим отжени от мене духа лукавого, искушающего и томящего мя. Аминь.

К оглавлению

Молитва о даровании разумения (Свт. Иоанна Златоуста)

Дай, Господи, сейчас моему недостоинству также благодать разумения, чтобы распознавать приятное для Тебя, а для меня полезное, и не только распознавать, но и совершать, чтобы не увлекаться и не прилепляться к пустому, чтобы сострадать страдающим и снисходить к грешником.

К оглавлению

Молитва Архангелу Михаилу

Молитва первая Святый и великий Архангеле Божий Михаиле, неисповедимыя и пресущественныя Троицы первый во Ангелех предстоятелю, рода же человеческаго приставниче и хранителю, сокрушивый с воинствы своими главу прегордаго Денницы на небеси и посрамляяй выну злобу и коварства его на земли! К тебе прибегаем с верою и тебе молимся с любовию: буди щит несокрушим и забрало твердо Святей Церкви и Православному Отечествию нашему, ограждая их молниеносным мечем твоим от всех враг, видимых и невидимых. Не остави же, о Архангеле Божий, помощию и заступлением твоим и нас, прославляющих днесь святое имя твое: се бо, аще и многогрешни есмы, обаче не хощем в беззакониих наших погибнути, но еже обратитися ко Господу и оживленным быти от Него на дела благая. Озари убо ум наш светом лица Божия, иже выну сияет на молниевиднем челе твоем, да возможем разумети, что есть воля Божия о нас, благая и совершенная, и ведети вся, яже подобает нам творити и яже презирати и оставляти. Укрепи благодатию Господнею слабую волю и немощное произволение наше, да, утвердившеся в законе Господнем, престанем прочее влаятися земными помыслы и похотении плоти, увлекающеся по подобию несмысленных детей скорогибнущими красотами мира сего, яко ради тленнаго и земнаго безумне забывати вечная и небесная. Над всеми же сими испроси нам свыше дух истиннаго покаяния, нелицемерную печаль по Бозе и сокрушение о гресех наших, да остающее нам число дний временнаго живота нашего иждивем не во угождении чувств и работе страстем нашим, но во изглаждении зол, содеянных нами, слезами веры и сокрушения сердечнаго, подвигами чистоты и святыми делами милосердия. Егда же приблизится час окончания нашего, освобождения от уз бреннаго сего телесе, не остави нас. Архангеле Божий, беззащитных противу духов злобы поднебесных, обыкших преграждати душе человечестей восход в горняя, да, охраняеми тобою, безпреткновенне достигнем оных преславных селений райских, идеже несть печаль, ни воздыхание, но жизнь безконечная, и, сподобльшеся узрети пресветлое лице Всеблагаго Господа и Владыки нашего, падше со слезами у ног Его, в радости и умилении воскликнем: слава Тебе, дражайший Искупителю наш, Иже за премногую любовь Твою к нам, недостойным, благоволил еси послати Ангелы Твоя в служение спасению нашему! Аминь.

Молитва вторая

О святый Михаиле Архангеле, помилуй нас, грешных, требующих твоего заступления, сохрани нас, раб Божиих (имена), от всех видимых и невидимых враг, паче же подкрепи от ужаса смертнаго и от смущения диавольскаго и сподоби нас непостыдно предстати Создателю нашему в час страшнаго и праведнаго Суда Его. О всесвятый, великий Михаиле Архистратиже! Не презри нас, грешных, молящихся тебе о помощи и заступлении твоем в веце сем и в будущем, но сподоби нас тамо купно с тобою славити Отца и Сына и Святаго Духа во веки веков.

К оглавлению

Надгробное рыдание Старцу Паисию от всех чад его духовных Иеросхимонаха Иоанна Диаковского

А. 1. Образ лица твоего, Паисие чудный, Мог начертать художник, искусством нетрудный, Но доброта разума коль предивна бяше, Изобразить словом никтоже можаше. Един Солнца Свет ум твой сказати удобен, Единому един ты солнцу был подобен. Б. 7. Благочестием дух твой аки огнь горяше, Учением догматов всей Церкве светяше, Ты насадил правы иноков уставы, Возрастоша здравии беседы и нравы. Ты открыл учения, разделив на лики, Да славословят Творца разными языки. Ново благолепие церкви восприяша, Лучшим образом Ему служити познаша. Чтение и пение толико красно явися, Аки от сна воспрянув, весь мир удивися. Г. 17. Елико же тщалив бе церкви украситель, Толико остроумен и дому Строитель, Не совершив малого дела без совета, Не оставив нужного слова без ответа, Зная держати в руках мерило правдиво, Изобрази сокровен Промысл Божий живо. Не пренебрег своего, еже бе во власти, Не отторже чуждого малейшия части. На трудящихся добре прилежно смотряше, Коемуждо мзду добру на серце писаше. Во всем долготерпелив и благоразсудный, Праведно наречеся Паисие чудный. Д. 29. Твоя плещи едини толико труд ношаху, Елик многие мудри нести не можаху. Лицем светел, образом ты был сановитый, Нестыдно монархом к тебе потрудитись. Беседа твоя кротка, в советах смиренна, Солию благодати бяше растворенна. Словеса твоя верна и истинна бяху, Свидетельство неложно слезы источаху. Е. 37. Великодушен в нужде, не горделив в чести, Равно благословляше Вышняго без лести. Ласкательство срамное мудро отражаше, Тщеславия мирского точно убегаше. Обличаше противных прикладно искусно, Не испаде из уст его слово гнусно. S. 43. Ты странным был отрада, покой претружденным, Болящим врач и цельба умом поврежденным. Милостыни от тебе течаху рекою, Бог удовляше скудных твоею рукою. 3. 47. В тебе добродетель вся живяше испытно, И к книгам отеческим любовь ненасытна. Дни и нощи их ради без сна провождаше, Из тьмы нерадения во свет изводяше. Любя преводити оныя на многи языки, Да знают подвиг древних, последние вики. Н. 53. Удивляхуся страны предивному слову, Стекахуся прияти пользу душ готову. С надеждою твердою к тебе притекаху, С радостию полною в домы отхождаху. О. 57. Сердце наше желаше в век тебе светити, Увы, найде год темный свет твой угасити. Не угасе свет твой, ни, но только сокрыся, От земли круга на круг светил преселися. I. 61. Блистай убо на тверди, лий лучи утишны, В тебе свое селение положи Всевышний. Память твоя блаженне, во славе пребудет Блистающа, дондеже мир стояти будет. Aj 65. Мы, чада духовни, от тебе рождении, От тьмы неведения во свят изведенни, Благодарим Вышняго во веки живуща, Давша нам пастыря тя, всех горе влекуща. Твоим мольбам, о отче, всех себе вверяем, Мертву ти, аки живу, главы преклоняем. Моляшеся о стаде твоем не забуди, 72. Да внидем в радость вечну, предстатель нам буди. Аминь.

К оглавлению

Побеждай благим злое

Не побежден бывай от зла, но побеждай благим злое. (Рим. 12:21) Помни изречение Св. Писания: не побежден бывай от зла, но побеждай благим злое [Рим, 12, 21]. Тебе грубят, тебя раздражают, на тебя дышат презрением и злобою, - не плати тем же, но будь тих, кроток и ласков, почтителен и - любящ к тем самым, которые недостойно ведут себя пред тобою Если ты сам смутишься и будешь говорить с волнением, грубо, презрительно и, значит, без всякой любви, тогда ты сам побежден и тебе вправе сказать обидевшие: врачу, изцелися сам [Лк. 4, 23], или что видиши сучец во оце брата твоего, бревна же во оце твоем не чуеши?.. Изми первее бревно из очесе твоего [Мф. 7, 3, 5]. Не дивись тогда, если и часто будут повторяться тебе грубости от оскорбляющих тебя, ибо они заметят твою слабость и будут намеренно раздражать тебя. Не побежден бывай от зла, но побеждай благим злое. Покажи оскорбившему тебя, что он не тебя обидел, а сам себя, пожалей его сердечно, что он так удобно побеждается от своих страстей, что он болен душевно, покажи к нему тем большую кротость и любовь, чем он грубее и раздражительнее, чем он больше питает к тебе ненависти, - и ты верно победишь его.

К оглавлению

 

 

• Назад